Menu

TELE-POST-p mobilimi datanik atuinerup akia appartippaa

26/10/2017 - 08:00

Tusass mobilimik atuisut novembarip aallaqqaataani 2017 aallarnerfigalugu datamik atuinermi akit pitsaanerusut iluaqutigissavaat.

TELE-POSTip iliuusissatut pilersaarutaasa ilagaat sullittakkat nioqqutinik ajornannginnerusunik akikinnerusunillu neqeroorfiginissaat. Taamaattumik novembarip aallaqqaataat aallarnerfigalugu akigitinneqartut suli appartinnerussavagut, kiisalu Tusass mobilimik atuisunut atugassarititaasut allanngortillugit.

Sullittakkat 3 GB-mik mobildatanik atuisut immikkut mobildatanik atuinerminni akiliutissaat affaannanngussaaq. Novembarip aallaqqaataaniit atuutilersumik Tusass mobilmik atuisutut akiliutigisartagassatit assersuutit aajuku:

Tusass mobilimik atuisoq

Mobildata ilanngullugu

Qaammammut akiliut

Oqalunneq killeqanngitsoq & SMS

0 GB

199 kr.

Oqalunneq killeqanngitsoq  & SMS

2 GB

299 kr.

Oqalunneq killeqanngitsoq  & SMS

4 GB

399 kr.

Oqalunneq killeqanngitsoq  & SMS

6 GB

499 kr.

 

Tamatuma kingorna GB ataaseq qaammammut

50 koruuninik akeqassaaq

 

Tamakku saniatigut sullittakkat kingusinnerpaamik akiliinissaminnut piffissaqartinneqalissapput aamma datanik atuinerup annertusinissaanut appariartinnissaanullu piumasaqaatit nutaanngissapput. Atugassarititaasunut allannguutit suunersut atuarsinnaavatit uani: https://www.tusass.gl/help

Anguniagaq alla tassaavoq mobilinik aamma internetimik atuisunut atuineq tamarmik tusass.gl aqqutigalugu nioqqutigineqartalernissaat. Tamatuma kingunerisaanik Tusass aqqutigalugu internetimut nioqqutit nutaat decembarimi saqqummiunneqassapput, pineqartut piginnaanerit taamaaginnassapput, soorlu Tusass aqqutigalugu mobilimik atuisunut tamanna ilisarnaataasoq.

 

Paasissutissat amerlanerusut pissarsiariniarlugit attaveqaqatigiinnermut pisortaq Arnakkuluk Jo Kleist, ajk@telepost.gl, tlf.: 547854.