Menu

TELE-POST: Tusass toqqissisimanermik pilersitsivoq

17/09/2019 - 10:44

TELE-POST-ip atuisuuffittaarnernut tamanut aammalu Tusass.gl aqqutigalugu immiinernik akiliinernut akileeriaaseq 3D secure ullumikkut atuutilersippaa. Akiliineq SMS-ikkut imaluunniit NemID atorlugu akuerineqartassaaq, tamatumalu isumannaassuseq annerujussuaq qulakkeerpaa.

Sullitatsinnut tamanna isumaqarpoq, akiliinermut kortii mobilnormu atorlugu ”Verified by Visa”-mut imaluunniit ”Mastercard ID Check”-imut nalunaarutigisimanissaat. Immikkut isumannaallisaaqqinneq tamanna tassaassaaq igalaasannguaq akiliinermut ilisarnaat sullitap kodimik nalunaarutisinikkut tigusaminik allattuiffigisartagassaa imaluunniit NemId atorlugu akuersinikkut. TELE-POST-ip nioqqutit pitsaanerulernissaat, akikinnerulernissaat, maannalu aamma isumannaannerulernissaat suliniutigiuarpaa. 

“Akileeriaatsimik nutaamik peqalernitsigut akiliinerit suli isumannaannerulerput, sullitattalu kortiisa atornerlunneqarsinnaanerat annikinnerulerluni”, taama oqarpoq Ineriartortitsinermut pisortaq Eyðstein Johannesen.

Sullitat namminneq imminnut nalunaarutigissapput 
3D secure atorsinnaanngortereerukku akiliinitit aatsaat naammassineqarsinnaalissapput. Tamanna kreditkortivit NemID aqqutigalugu nalunaarutigineratigut ingerlanneqassaaq. Nalunaarutiginissat ajornartorsiutigigukku, aningaaseriviit saaffigissavat ikioqqullutit. Kortinni mobilnormu allassimasoq TELE-POST-imut attuumassuteqanngilaq.

Allanik paasisaqarumaguit Attaveqaqatigiinnermut pisortaq Julie Rademacher, tlf.+299 26 35 35-mut attavigisinnaavat.