Menu

TELE-POST Wifi-kut atassuteqaatit maanna atuuteqqilerput

12/05/2020 - 08:56

Sulitatta Wifi-mut attaveqarneq pillugu apeqqutaat saaffiginnissutaallu amerlanerpaat akisinnaajumallugit TELE-POSTip Atuisunut Sullissivia oqar.:808080, ullumi ataasianngornermi 11. maj 2020 unnugu nal. 20:00-ip tungaanut saaffigineqarsinnaassaaq.

TELE-POST maanna nalunaarpoq modeminut tamanut wifi-kut atassuteqaatit ammaqqinneqartut. Teknikkikkut ajutoorneq,  sisamanngormat ullaakkut pisoq, modeminut wifi-ikkut atassuteqaaserniarnermut aqutseriaatsinut ajornartorsiortitsisimavoq. Teknikkikkut systemiini ajutoornerup taassuma, ulluni marlussunni kingullerni pisup, modeminut atassuseeqqinniarneq ajornartorsiortissimavaa, wifi-ikkulli atassuteqaatit ammaqqinniarlugit tamaviaarluta sulisimavugut.

Wifi-imut attaveqarsimannginneq inuit amerlaqisut ipianngunarisimassappassuk Tele-Post-ip paasilluarsinnaavai, maannalu suliassaq pingaaruteqartoq tullinnguuppoq, tassalu taama pisoqaqqinnginnissaata qulakkeerneqarnissaa.

 

Modemip Reset-sernissaanut ( nul-mut pisinnissaanut) ilitsersuut

Wifi-ikkut atassuteqaatit aamma ammaqqinneqarput, kisiannili modemeqarsinnaavoq suli attaveqarniarnermik ajornartorsiuteqartunik. Maannamut pisariaqarsimanngilaq modem-it reset-sernissaat, systemetsinnit atassuteqaatit tamaasa ammaqqikkatsigit. Suli atuisartoqarpat wifi-minnik ajornartorsiuteqartunik, taakkua modemii allatut aaqqinneqassapput.  

Wifi suli modemimut atassuteqalersimanngippat, taava atuisartuvut kajumissaassavavut modemertik ”reset”-eqqullugu, taamaasiortoqassaarlu kuglepenimik assigisaanilluunniit ”reset”-imut toortaataa ilummut toorlugu sekundinik 20-inik sivisunerusumik. Taamatut ”reset”-siilluni wifi-imut attaveqaqqilersimanngikkaanni, ilimanarluinnassaaq modem-imik nutaamik pisariaqartitsilersimaneq, taamaappallu atuisartoq Tele-Post-imi sullissivimmut saaffiginnissinnaavoq, ataasinngornermi nal. 10.00-imiit.

- Modemimi Reset-simut toortagaq sekundit 20 missaat inngigissumik toorneqarsimassaaq

- Resetsiinermi modem ikumaannasaaq internettimullu attavimminut ikkusimaannassalluni.

- Modem aallarteqqippat qulleeqqat ikeqattaalersarput.

- Modem RESET-teriarluni aallarteqqinera taamaallaat pisinnaavoq Power ikumappat.

- RESET aaqqissimappat WIFI-p/WLAN-ip qulleeraa ikumalissaaq.