Menu

TELE-POSTip qullersaqarfiani pilersaarutaasumik innaallagissamik qamitsineq

15/01/2018 - 09:00

Mobile First piareersarlugu suliamut annertoorsuarmut atasumik, pilersaarutaavoq januaarip 18-iat sivikitsukkaanik innaallagissamik qamitsisarnissat.
- Atortutsinnik pitsanngorsaaniarluta isumannaallisaaneq pissutigalugu kabelit allanngortiterneranni innaallagissamik qamitsisarnissat pisariaqarput. Sullitatsinnik ajoqusersuinissap minnerpaaffianiitinnissaa ilungersuutigaarput, ilaatigut allanngortiterinerup unnuami suliarineratigut, Jonas Hasselriis Teknikkimut IT-mullu pisortaq oqarpoq.

Innaallagissamik qamitsineq
Sisamanngorpat januaarip 18-ianni, nal. 02:00-p aamma nal. 06:00-p akornanni, pilersaarutaasumik innaallagissamik qamitsisoqartassaaq Nuummi TELE-POSTip qullersaqarfiani.

Innaallagissamik qamitsinerit kingunerissavaat piffissami tassani attaveqaqatigiinnerit qanorluunniit ittut tamarmik sunnerneqarnerat. Malugeqqussavarput tassani aamma pineqarmata ass. sinerissami radioq sullissineri.

Mobile First
Suliap Mobile First-ip Kalaallit Nunaanni tamarmi 4G-mut attaviit ledningeqanngitsumik ingerlasut sukkasuullu siammarneqarnissaat, pingaartumik nunaqarfiit eqqarsaatigalugit. Taamaaliussagaanni atortut nutartertariaqarput, taamaattumillu akornusersuinerit soorlu innaallagissamik qamitsinertut ittut pisariaqarput.

Allanik paasisaqarumasunut Attaveqaqatigiinnermut pisortaq Arnakkuluk Jo Kleist, 54 78 54-imut, ajk@telepost.gl-imulluunniit attavigineqarsinnaavoq.