Menu

Tillinniarfigiteriaraluarnerup kingunerisaanik ammasarfiit allanngorput

17/05/2017 - 15:20

TELE-POST Centeri Nuummiittoq aammaarluni ullumi tillinniarfigiteriaraluarpoq. Tamanna postbokseqarfiup ammanerata nalaani pivoq, ammarsarfiillu sivikillineqarnerannik maanna kinguneqarluni.

- TELE-POST Centeri Nuummiittoq ajoraluartumik piffissami kingullermi arlaleriarluni tillinniarfigeriarneqarpoq tillinniarfigineqarlunilu, taamaattumik tamanna unitsinniarlugu iliuuseqartariaqarpugut. Tillinniarnerit aamma tillinniariaraluarnerit tamaasa tunngavigalugit maannakkuugallartoq allatut ajornartumik postboksinut ammasarfiit sivikillisariaqarpavut, allakkerinermut pisortaq Per Svendsen oqarpoq.

 

Ammarsarfiugallartut nutaat:

Ataasinngorneq – Tallimanngorneq  nal. 07.00-19.00

Arfininngorneq                                nal. 09.00-13.00

Sapaat aamma nalliuttut                 Matoqqasassaaq

 

Tillinniarnerit pinaveersimatinniarlugit TELE-POSTi arlalitsigut iliuuseqarluni aallartippoq. Tamatumunnga atatillugu ilaatigut TELE-POST centerimi nakkutilliisoqarneq atorneqalissaaq. 

Annertunerusumik paasisaqarusukkuit uunga attaviginnissinnaavutit: Allakkerinermut pisortaq Per Svendsen, psv@telepost.gl, 55 64 55.