Menu

Timersornerup silarsuaanut tapersersuineq

25/11/2016 - 16:13

Tallimanngornermi novembarip 25-ani TELE-POST Elite Sport Greenland-imut aningaasartalimmik tapersersuinissamut isumaqatigiissuteqarpoq. Aningaasaliinerup siunertaraa timersortartut immikkut piginnaasallit ineriartornissamut periarfissinneqarnissaat. 

Elite Sport Greenland-ip (ESG) nunatsinni timersortartut pikkorinnerit immikkut sammisarai ukiunilu makkunani annertuumik timersortartut piukkunnaatillit aallunneqarput, siunissami aamma nunarsuarmi unammiuaarnerni nunatsinniit peqataatitsisarnerup ingerlaannarnissaa siunertaralugu. ESG-p nunatsinni timersornerup silarsuaani pitsaasumik atugassaqartitsinissaq ineriartortitsinissarlu siunertaralugit kattuffiit timersuutinut assigiinngitsunut immikkut samminnittut, pisortaqarfiit suliffeqarfiillu assigiingitsut suleqatigai.

- TELE-POST-imiit tapersersuinermut pingaaruteqartumut peqataasinnaanerput nuannaarutigaarput, nunatsinniimmi nunarsuatsinni unammiuaarnernut peqataatitsisarnerput sulianik annertuunik aallaaveqartarpoq, taamaattumillu tapersersuiuartariaqarpugut.  Takusareerparput timersortartut pikkorivissut ilaanniittut meeqqat inuusuttullu timersornissamut soqutiginninnerulersittaraat tamannalu tapersersorusupparput, nioqquteqarnermut pisortaq Brian Smedemark, oqarpoq. 

Isumaqatigiissutaavoq ESG TELE-POST-imit ukiumut 125.000 kr.-nik tapersersorneqartassasoq.

Paasissutissat annertunerusut: Attaveqaqatigiinnermut pisortaq Arnakkuluk Jo Kleist, ajk@telepost.gl, mobil: 54 78 54