Menu

TUSASS Danmarkimi

09/09/2014 - 11:07

TELE-POST-ip atuisui TUSASS-illit ullumikkut ulloq 28. februar 2014 aallarnerfigalugu TUSASS normortik atorlugu Danmarkimiinnerminni sianersinnaanngorput.

-Atuisugut TUSASS-illit Danmarkimiinnerminni akikitsumik sianersinnaallutillu SMS-ersinnaanerannik periarfissinnerat nuannaarutigaarput, Per Svendsen innuttaasunik kiffartuussinermut pisortaq oqarpoq.

Akit appasissut
Siorna decemberimi GSM-imik atuisunut akit appasissut saqqummiunneqartut akit assigissavaat, tassa minutsimut aki 8 kroniniit 1,79 kroninut appartinneqarmat aammalu SMS-ernermut aki 2,50 kronit missaanniit 60 ørimut apparluni.

Taamaallaat oqaluussinermut aammalu SMS-ernermut
Danmarkimiitilluni TUSASS internetimut iserluni paasissutissanut suli atorneqarsinnaanngilaq. Pilersaarut malillugu ukioq manna aasartinnagu tamatuma periarfissaalinnginnerani atortut teknikkimut tunngasut kingulliit nutarterneqarnerat TELE-POST-ip utaqqigallarpaa.
 
Atuisunut nuannaarutissatut Nalunaarasuartaateqarnermi aqutsisut akueraat TELE-POST Danmarkimi TUSASS-roaming maannangaaq saqqummiussinnaagaa allanngortitsinerup atuutilernissaanut nalinginnaasumik qaammatit pingasut utaqqisussaaneq utaqqeqqaanngikkaluarluni.


Allanik paasisaqarumagaanni attavissat:
Per Svendsen
Innuttaasunik kiffartuussinermi pisortaq
+299 34 12 55
psv@telepost.gl

Ivalo Egede
Attaveqaqatigiinnermut qullersaq
+299 38 61 54
ivalo@telepost.gl