Menu

Tusass internet uploadip sukkassusaanik qaffaavoq

02/09/2019 - 14:15

TELE-POST-ip nalunaarutigaa, sullitat Tusass internet 30/2 Mbit-illit tamarmik 150%-imik sukkanerulersinneqassasut, tassalu maanna 30/5 Mbit-imik sukkassuseqalissasut.

Sukkanerulersitsineq Tusassilinnut internetimik taaneqartumik atuisuuffeqartunut tamanut akeqanngilaq, atuisuuffimmillu tassannga atuisuusut iliuuseqartariaqassanngillat, sukkanerulersitsineq nammineertumik pisussaammat.

”Tusassip internet uploadip sukkassusaa nutaaq atorlugu sullitatta internetimik misigisaasa suli pitsaanerulernissaannik neqeroorfigisinnaanerat nuannaarutigaarput. Sullitatta Tusass internet 30/5 Mbit atorlugu misigissavaat sarsuatitsinerit, gamingit, Facetimernerit, Skypernerit cloud-ilu atorlugu periarfissat assigiinngitsut suli sukkanerulernerat allanngujaannerulernerallu,” TELE-POST-imi Ineriartortitsinermut pisortaq Eyðstein Johannesen oqarpoq.

Tusass Internet 30/5 internetimik atuisuuffiuvoq annertunerulaamik atuisuusunut tulluarluinnartoq. Ilaqutariinnut arlalinnik inoqutilinnut internetimik atuisuuffimmik ataatsimik ataatsimoorussisunut naleqqulluarpoq.

Tusass internet 30/5 Mbit illoqarfinni ukunani atorneqarsinnaavoq: Aasiaat, Ilulissat, Kangerlussuaq, Kangaatsiaq, Maniitsoq, Nanortalik, Narsaq, Nuuk, Qaqortoq, Qasigiannguit, Qeqertarsuaq aammalu Sisimiut.

Allanik paasisaqarumagaanni imaluunniit apeqqutissaqaraanni attaveqaqatigiinnermut pisortaq Julie Rademacher mailimut uunga julie@telepost.gl-imut imaluunniit mobil +299 263535-imut attavigineqarsinnaavoq.