Menu

Tusass Suliffeqarfinnut ilisaritinnera

03/06/2019 - 09:13

TELE-POST-ip ullumi inuutissarsiornermi atortunik nutaanik ilisarititsissaaq. Ilisaritinneqassapput siunissamut naleqqussariikkat atortut aaqqiissutissallu sullivinnut minnernut akunnattumillu angissusilinnut. Pisariitsut aamma immikkut akitsuuteqanngitsut.

TELE-POST-ip ukiuni pingasunngulersuni privatinut neqeroorutigisarpai Tusass mobil aamma internet aamma imaaliinnartoq inuit 30.000-t sinnillit Tusass atulernikuuaat. Maannalu tullinnguupput inuutissarsiutaatillit taamaattumik ullumimiik inuutissarsiortunut neqeroorutigineqarsinnaalerput Tusass Suliffeqarfinnut Internet, Tusass Suliffeqarfinnut mobil aamma Tusass Suliffeqarfinnut mobilt internetti.

-Piffissap sivisuup ingerlanerani taakku periarfissat ineriartortereerlugit nuannaarutigalugu Inuutissarsiortunut atortut Tusass ilisaritissinnaalerpagut. Taamaattumik nuannaarutigaara, neqeroorutigisinnaaleratsigit atortut inuutissarsiortut pisariaqartitaannut tulluarsakkat, taama oqarpoq Ineriartortitsinermut pisortaq Eyðstein Johannesen.

Tusass.gl/business-imi suliffeqarfinnut Tusass itinerusumik paasisassarsiorfigineqarsinnaavoq. Aamma immikkoortortaq Erhverv Salg attavigineqarsinnaavoq 80 80 90-mut sianerluni imaluunniit najukkami TELE POST Centerimut saaffiginnilluni, atortut paasisaqarfiginerorusukkaanni.