Menu

TVmut radiomullu attaveqaatit kipisaqattaarnerat: ajoqutaa paasineqarpoq

27/07/2017 - 14:50

Sapaatip akunnerini arlalinngortuni KNR TVmut radiomullu kiisalu DRip TVkkut kanaliinut attaveqaat akornuteqareersorlu maanna ajoqutaa teknikerinit paasineqarpoq, iluarsaanneqaleruttorporlu.

DRip Kalaallit Nunaannut akunnernik sisamanik kingusinerusukkut nassitsissutaa teknikkitigut akornuteqarsimasoq, tamatullu KNRimut DRimullu attavilutsitsisimasoq, TELE-POSTip teknikeriinit paasineqarpoq.

- Kiisami ajoqutaa teknikerinit paasineqarmat nuannaarutigaarput. DRip kanaliisa kingusinnerusukkut aallakaatinneqartarfiinut systemi qamikkatsiguli signali akornuteqarsimanngilaq. Kipisaqattaarneq ilaannikkuinnaq pisarsimammat ajoqutaa teknikeriniit paasiumaataarneqarsimavoq, ajortinneratigummi taamaallaat paasiniarneqarsinnaasimammat. Taamatut kipisaqatattaarnerup isiginnaartartunut tusarnaartartunullu akornusiisarsimanera assut ajuusaarutigaarput, attaveqaqatigiinnermut psiortaq Arnakkuluk Jo Kleist oqarpoq.

TELE-POSTimi systemimut tassunga atortulersuutinik nutaanik ikkussuineq suliarileruttorparput. Systemilli nutaap ikkunneqarnissaata tungaanut nunatsinni DRip TVkkut kingusinnerusukkut aallakaatitaanik isiginnaartoqarsinnaanngikkallarpoq. Maannakkuugallartoq qaqugu DRip kanaliinik piffissatigut nikingasumik isiginnaartoqalersinnaanersoq TELE-POSTimiit oqaatigisinnaanngilarput.

 

Annertunerusumik paasisaqarusukkuit attavigiuk: Attaveqaqatigiinnermut pisortaq, Arnakkuluk Jo Kleist, ajk@telepost.gl, 547854