Menu

Ukioq manna frimærkit siulliit

28/02/2020 - 14:34

TELE-POST-imi Filatelia frimærkinik ukioq manna siullerpaanik saqqummersitseqqammerpoq. Frimærkit assigiinngitsut kusanarluinnartut qulequttanut sisamanut tunngatinneqarput, tassalu:

  • Kalaallit Nunaanni avatangiisit IV. Titartaasuuvoq eqqumiitsuliortoq Sissi Møller
  • Issittup inoqajuitsui II, Kangerlussuaq. Titartaasuuvoq eqqumiitsuliortoq Naja Abelsen
  • Kalaallit Nunaanni aningaasatoqaat IV. Suliarinnittuuvoq kigartuisartoq assilialiortartorlu Bertil Skov Jørgensen
  • Kalaallit Nunaanni aalisakkat III. Titartaasuuvoq eqqumiitsuliortoq Martin Mörck

- TELE-POST-ip Tasiilami Filateliaa frimærkinik pisarnertut saqqummersitsisuuvoq. Frimærkit naqitarpassuit ilivitsukkaat tusindillit pisisartutsinnut nunarpassuarni assigiinngitsuniittunut sapaatip akunnerani uani nassiussorpagut. Suliaq suleqatikkalu pikkorissut peqatigiilluta naammassisinnaagatsigu nuanneqaaq, Tasiilami Filateliami frimkærkinut pisortaq Allan Pertti Frandsen unnersiorpoq.

TELE-POST-imi frimærkinik ukiut tamaasa saqqummersitsisarnissaq pingaartitaalluinnarpoq. Frimærkit aqqutigalugit Kalaallit Nunaanni kulturi, pinngortitaq oqaluttuarisaanerlu paasissutissiarineqartarput. Frimærkillu kusanarluinnartut nunani tamalaani alutorineqartaqimmata Tasiilami Filateliami sulisut nunani assigiinngitsuni 50-init amerlanerusuni pisisartunik sullitaqartuupput.

Tasiilami Filateliap nittartagaraa: stamps.gl