Menu

Umiarsuaq imaani kabelilerisussaq Sisimiunut allarpoq

09/03/2019 - 10:28

Ullumi arfininngorneq marsip qulingiluaani umiarsuaq imaatigut kabelimik aaqqissuisartoq, Horizon Enabler Sisimiut tungaannut aallarpoq, taavunga sapaatiuppat apuussangatinneqarluni.

Sila ajunngippat aammalu sikoqarpallaanngippat naatsorsuutigineqarpoq Sisimiut kujataatungaani iluarsaassineq marsip qeqqata missaani naammassineqassasoq. Tamatuma kingornatigut umiarsuaq Kujataanut ingerlaqqissaaq. 

Horizon Enabler Nuummut tikippoq pingasunngormat marsip arfernganni kabeli kingoraartissaq aallullugu, tassa Sisimiut kujataatungaani kabelimut taarsiussassaq.

- Naatsorsuutigineqarpoq umiarsuup sapaatit akunnerisa naaneranni apuutissasoq, tamatuma kingornatigut iluarsaassineq aallartinneqassalluni. Sikoqarnera apeqqutaassaaq kabelip imaatigoortup qanoq pilertortigisumik iluarsaanneqarnissaanut, kisianni neriuutigaarput piffissaq pilersaarutigisarput malikkumaarlutigu, pisortaaneq Kristian Reinert Davidsen, oqarpoq.

Umiarsuaq Kujataanut ingerlaqqissaaq

Sisimiut kujataani iluarsaassineq naammassineqariarpat taava Horizon Enabler Kujataanut ingerlaqqissaaq, tamaani iluarsaassineq tulliuttoq aallartinneqassalluni. Imaatigut kabelimik iluarsaassinerup ineriartornera malinnaaffigineqarsinnaavoq uani: https://telepost.info