Menu

Upernaviup eqqaani internetip atorunnaarnissaa naatsorsuutigineqarpoq

14/12/2018 - 14:30

TELE-POST-ip Upernaviup kujataani antenneqarfiani orsussap aqqutaa ajortissimavoq

Marlunngormalli qaqqap Kigatap qaavani (439 meterinit immap qaavanit qatsinnerusumi), generatori dieselitortoq atorsinnaasimanngilaq. Antenneqarfik Upernavik Kujalliup kitaaniippoq.

Antenneqarfik taanna nutaaq maannakkut batteriinik ingerlavoq, tassanngaanniillu Upernavik aamma nunaqarfiit internetimik sukkasuumik suli pilersorneqarput.

Isikkiviluppoq

Taamaattorli batteriit sillimmataasut imaarukkiartorneri ilimagisamik sukkaneruvoq aamma TELE-POST-ip teknikeriisa suliassatut pingaarutilittut qaqqap qaavanut apuunniaraluarput, generatori aallarteqqinniarlugu kingoraartissanik nassarlutik. Taamaattorli teknikerigut apuussinnaasimanngillat Upernavimmiit imaluunniit Uummannamiit, naak Air Greenland ikiortigigaluarlugu. Kingullermik sila peqqutigalugu sisamanngormat antenneqarfiup eqqaanut helikopteri missinnaasimanngilaq. Arfininngorpat helikopterimik misileeqqinnissaq pilersaarutigineqarpoq.

Sumiiffik tamakkerlugu tunngaviusumik attaveqarsinnaaneq qulakkeerniarlugu aalajangerpugut netværki satellitimi atortunut nuunniarlugu. Tamatuma kingunerisaanik oqaluussaqarniarluni sianerneq aamma sms Upernaviup eqqaani piffissami aggersumi pingaarnerutinneqassapput. TV, radio aamma sillimaniarnermut tunngatillugu attaveqarsinnaanerit taamatullu telefonersinnaneq eqqorneqassanngillat. Kisianni tamatuma kinguneraa mobildata aamma sumiiffimmi internetikkut attaveqarsinnaanerit arlallit unikkallassammata teknikerit sarfamut atortunik iluarsaassereernissaasa tungaanut.

Suumiiffimmi satellittikkut attaveqarneq

Tallimanngornermi unnukkut nalunaaqutaq 20 missaanni TELE-POST-ip sukkasuumik attaveqaatit nutaat (DSL aamma 4G-mobildata) qamikkallassavai, kiisalu Upernavimmi aamma nunaqarfiini naatsorsuutigineqassaaq ulluni marlunniit sisamanut satellit aqqutigalugu attaveqarnissaq.

 

Nutaarsiassat aamma nutaat takkuttartut pillugu nittartagaq una takuuk.

 

Paasissutissat sukumiinerusut pillugit attaveqaqatigiinnermi suleqataasoq Niels Krogh Søndergaard, niks@telepost.gl, tlf. 54 87 12, attaveqarfigiuk.