Menu

Ussassaarummi ajoraluartumik kukkuneq

29/04/2014 - 15:36

TELE-POST-ip nioqqutaanut nutaamut Mobil Angisuumut aki qaammammut 50 kr.-iunani 350 kr.-iuvoq, sapaatip akunnerani uani AG-p saqqaani ussassaarummi kukkusumik allassimasutut. Kukkuneq TELE-POST-ip ajuusaarutigaa.
 
TELE-POST-ip 2014-imi maajip aallaqqaataani mobilinut attavilertinnerni akit atuisuuffiulersinnaasunullu nutaanut akit saqqummiutissavai, tamatumunngalu atasumik sap. ak. uani AG-p saqqaani ussassaaruteqarpoq.
 
Ajoraluartumilli ussassaarut kukkuneqarpoq, tassa Mobil Angisuumut aki 50 kr.-qartutut allassimammat. Mobil Angisooq TELE-POST-ip mobilpakkiini akisunerpaavoq, akilu eqqortoq qaammammut tassaavoq 350 kr. Akinut nutaanut tamanut paasissutissat uaniipput:
http://www.tele.gl/mobilinut-attaveqarnerit-1-maj-atulertussat
 
Allanik paasisaqarumaguit inussiarnersumik 808080 attavigiuk.