Menu

Uummannap eqqaamiuinut SMS atorlugu katersuiniarneq

19/06/2017 - 13:48

Uummannap eqqaani eqqugaasunut iluaqutissamik TELE-POSTi SMS atorlugu katersuiniarnermik aallartitsivoq. Aningaasat katersorneqartut tamakkerlugit Kalaallit Røde Korsiannut tunniunneqassapput.

- Uummannap eqqaani pisunut atatillugu Uummannap eqqaani innuttaasut, aamma nuna tamakkerlugu eqqugaasut eqqarsaatitsinniipput. Røde Korsip ikiuiniarluni sulinera katersuiniarnitsigut tapersersorusupparput, aammalu neriuutigalugu piffissami artornartumi ikiuineq tuppallersaataasinnaassasoq. TELE-POSTip nammineq sulisui upalungaarsimasut sulineranni suleqataasimallutillu suli suleqataapput. Ulluni makkunani taakku, aamma allat tamarmik suliniarnerannut qujanarujussuaq, pisortaaneq Kristian Reinert Davidsen oqarpoq.

Uummannap eqqaani eqqorneqartut tapersersorniarlugit tulliuttumi taaneqartut allallugit 1880-mut SMS-erluni nassitsisoqarsinnaalerpoq:

IKIU 25 – 25 kr.-nik tunisiniarluni

IKIU 50 – 50 kr.-nik tunisiniarluni

IKIU 150 – 150 kr.-nik tunisiniarluni

Oqarasuaatit angallattakkat ataasiakkaat ullormut pingasoriarlutik SMS atorlugu tunisisinnaapput. 

SMSikkut tunissutigineqarsinnaasut saniatigut aningaasanik amerlanerusunik tuniserusuttoqarpat Grønlandsbankenip tapersersuisunut kontoliussaanut 6471- 1570134-mut ikisisoqassasoq TELE-POSTip inassutigissavaa.

 

Paasissutissanik arlaqarnerusunik pissarsiniarluni attaveqarfissaq: Attaveqaqatigiinnermut pisortaq Arnakkuluk Jo Kleist, 54 78 54, ajk@telepost.gl