Nuuinneq 

Nuuttutut ilinnut nalunaarutigiguit, najukkannut nutaamut nuunnerpit kingorna qaammatini arfinilinni allagarsiassatit nassiuttarsinnaavagut.
Nunatta iluani avataaniluunniit nuunniaruit atuuppoq.

-- Malugiuk nunatta avataanut Danmarkilluunniit iluani nuukkuit

Post Danmark nunalluunniit nuuffigisavit allakkerivianut attaveqarnissat. --

Eqqaamallugu ataani allassimasut nuunniarnermut nalunaaleruit nassarnissai:

• Najugaq qimatat (najugaq, b-normu, postnormu, illoqarfik)
• Najugaq nuuffigisat (najugaq, b-normu, postnormu, illoqarfik)
• Atit
• E-mail-it
• Ulloq nuunnerup atuutilerfissaa

E-mailikkut nuunnerit una toorlugu nalunaarit:

• Nunatta iluani nuuppunga
• Nunatsinniit nuuppunga

Tamatuma saniatigut telefonimik atuisuunerit nuutsikkusukkukku, nuunnermut immersugaq uunga nassiutissavat:

• Ordre@telepost.gl
   

Naggataagut, minnerunngitsumilli, nuunnermut immersugassaq immersorsinnaavat, taannalu TELE-POST-ip Sullissivianut tunniullugu.

Nuukkallarneq

Sivikinnerpaamik sapaatit akunnerini sisamani aammalu qaammatit arfinillit tikillugit najukkat qimassimassagukku nuukkallarnerit nalunaarutigisinnaavat. Nuukkallarnerit nalunaarutigigukku, allagarsiassavit nassiuffissaat allanngortinneqassaaq.
Aamma allakkat puuinik ingerlatitseqqiffissanik atuinissat toqqarsinnaavat, taamaalilluni allakkat nakkartitsivianik imaarsisussatut suliakkersimasinnaasatit allagarsiassarnik ingerlatitseqqissinnaassapput.

Aammattaaq eqqaamajuk

Nammineerlutit inuit suliffeqarfiillu attuumassuteqartut najukkat nutaaq pillugu nalunaarfigisinnaavatit. Tassani assersuutigalugu pineqarput:

• Inuit nalunaarsorsimaffiat.
• Sillimmasiisarfik sillimmasiiffigisat.
• Inissiaatileqatigiiffik atukkat.
• Nukissiorfiit.

Sullissivik.gl-imi nuunnermi eqqaamasassat pillugit paasisaqarnerusinnaavutit. 

TELE-POST-ip Sullissiviani nuunnermut nalunaarsuiffimmik, Kalaallit Nunaanni akeqanngitsumik nassiussinnaasannik pissarsisinnaavutit.