Minnerpaaffissaq: 14x9 cm. Poortugaq imusaappat amitsukujuujuppalluunniit: takissuseq 10 cm aamma takissuseq + 2 x diameteri/portussuseq = 17 cm.
Annerpaaffissaq: takissuseq 150 cm aamma takissuseq + kaajallallugu = 300 cm. Poortugaq imusaappat amitsukujuujuppalluunniit: takissuseq 150 cm aamma portussuseq imaluunniit diameteri = 25 cm.
Poortuut ilanngullugu oqimaassutsip annerpaaffissaa: 50 kg (Nunatta iluani)
Minnerpaaffissaq: 14x9 cm. Poortugaq imusaappat amitsukujuujuppalluunniit: takissuseq 10 cm og takissuseq + 2 x diameteri/portussuseq = 17 cm.
Annerpaaffissaq: takissuseq 150 cm aamma takissuseq + kaajallallugu = 300 cm. Nunalli ilaasa suli angissusissamut killissarititat minnerusut atorpaat.
Poortuut ilanngullugu oqimaassutsip annerpaaffissaa: Nunanut allanut: 20 kg. Danmarkimut: annerpaamik 35 kg.
Nassiussinermi piffissamik takussutissiaq |  |  |
|---|---|---|
| Nassiusseriaaseq |
allakkatut nassiussat (A) timmisartukkut aqqut siulleq nassiunneqassapput. Sukkanerussappat umiarsuakkoortinneqarsinnaapput. | Poortukkat allakkatut akikinnermik nassiussat (B) sapinngisamik umiarsuup aallarfissaani siullermi nassiunneqassapput. Najugaqarfiup iluani poortukkat allakkatut akikinnermik nassiussatit tamarmik, allamik nalunaarsuisimanngikkuit akikinnertut akilerneqartussaapput.
|
| Nunap iluani | Tigusisussanut postbokseqanngitsunut poortukkanut nalunaarutit minnerpaamik sapaatit akunnerannut marloriarlutik inoqutigiinnut agguarneqassapput. Poortukkat najukkami postboksilinnut nassiunneqartut, ulluinnarni nal. 15 sioqqullugu TELE-POST-ip Sullissivianut tunniunneqartut ullormi tunniunneqarfimminni postboksinut nalunaarutigineqassapput. | Tigusisussanut postbokseqanngitsunut poortukkanut nalunaarutit minnerpaamik sapaatit akunnerannut marloriarlutik inoqutigiinnut agguarneqassapput. Poortukkat najukkami postboksilinnut nassiunneqartut, ulluinnarni nal. 15 sioqqullugu TELE-POST-ip Sullissivianut tunniunneqartut ullormi tunniunneqarfimminni postboksinut nalunaarutigineqassapput. |
| Nunanut allanut | Poortukkanik allakkatut nassiussinermi (A) piffissaq atorneqartoq nuna tigusisussaq suunersoq apeqqutaalluni allanngorartarpoq. Poortukkanilli allakkatut nassiussanik (A) nassiussinermi piffissaq nassiussinermut atorneqartoq poortukkanik allakkatut akikinnermik nassiussanik (B) nunanut allanut nassiussinermit sivikinnerusarpoq. | Poortukkanik allakkatut akikinnermik nassiussinermi (B) piffissaq atorneqartoq nuna tigusisussaq suunersoq apeqqutaalluni allanngorartarpoq. Kisiannili poortukkanik allakkatut akikinnermik nassiussanik (B) nassiussinermi piffissaq nassiussinermut atorneqartoq poortukkanik allakkatut akikinnermik nassiussanik (A) nunanut allanut nassiussinermit sivisunerusarpoq. |
PostNord sinnerlugu poortukkanik nassiussanik tigooraasarpugut. PostNord poortukkanik TELE-POSTimut nassiussisartut annersaraat. Nunani allani allakkeriveqarfinniit PostNord aqqutigalugu aamma tingooraasarpugut. Poortukkat Danmarkimiit timmisartukkut nassiussassat ulluinnarni nassiunneqarnerminniit, silaannakkut aqqutissaqartillugu, aqaguani nunatsinnut nassiunneqartarput, toqqaannartumillu tigusisussap illoqarfianut apuunneqartarlutik. Poortukkat umiarsuakkut nassiussassat, PostNordimut umiarsuup aallarnissaanut ullut qulit sioqqullugit tunniunneqareertassapput. Poortukkat angissusissaat qulaani qimerloorneqarsinnaapput.
Siunnersuutigissavarput poortukkat ingerlaarnerat www.telepost.gl aqqutigalugu malinnaavigineqartassasut.
TELE-POST DHL Expressimik sullissisuuvoq. DHL Expressip poortukkat angallassani Københavnip Mittarfissuanut tunniuttarpai. Poortukkat PostNordip tigugaangamigit scannertarpai. Poortukkat ulluinnarni nal. 05.00 sioqqullugu scannerneqarsimasut, ulloq taanna Kalaallit Nunaannut nassiunneqartarput.
Poortukkat DHL-ikkut nassiunneqarsimasut Nassiussap Ilisarnaataa atorlugu, www.DHL.dk aqqutigalugu nassiussat normui kisitsisit quliusut atorlugit malinnaavigineqarsinnaapput. Nassiussat Ilisarnaataat tassaasarpoq normu ”JD”-imik aallaqqaatilik, ataani assersuutigineqartoq takuneqarsinnaavoq. www.telepost.gl aqqutigalugu malinnaavinnissaguit ima allaqqasassaaq, J + Nassiussap Ilisarnaataa (Assersuut: JJD0100006…).
Poortukkat DHL Expressikkoortut aammattaaq www.dhl.dk –ikkut malinnaavigineqarsinnaapput, paasissutissalli track & tracekkoortut Kalaallilli Nunaannut tunngassutillit sccannigaanngillat, ujaasivimmili paasissutissaallutik DHL-ip nittartagaanut ilisat poortugaq scannegaanngikkaluartoq. Taamaammat siunnersuutigineqarpoq nassiussamik ujaasineq www.telepost.gl-ikkut pissasoq.
TELE-POST FedEximik sullissisuuvoq. FedExip poortukkat angallassani Københavnip Mittarfissuanut tunniuttarpai. Poortukkat PostNordip tigugaangamigit scannertarpai. Poortukkat ulluinnarni nal. 05.00 sioqqullugu scannerneqarsimasut, ulloq taanna Kalaallit Nunaannut nassiunneqartarput. Poortukkap stregkodea 12-inik kisitsisitalik atorlugu, Københavnimit aallartinneqarneraniit Kalaallit Nunaanni illoqarfiit ilaanni tiguneranut inuttassaanullu tunniunneranut, www.post.gl-imi track & tracekkut malinnaavigisinnaavat.
Siunnersuutigineqarpoq nassiussamik ujaasineq www.telepost.gl–ikkut pissasoq.
TELE-POST Bringimik sullissisuuvoq. Bringip poortukkat umiarsuakkoortussat illoqarfinnut ataasiakkaartunut Aalborgimiit toqqaannartumik nassiuttarpai, poortukkat timmisartukkoortussat Kangerlussuarmi TELE-POST-imut timmisartukkoortitatut nassiunneqartarput, tassanngaanniillu illoqarfinnut ingerlateqqinneqartarlutik. Poortukkap stregkodea 13-inik kisitsisitaqarlunilu naqinnertalik (poortukkat stregkodeqarsinnaapput 13-it sinnerlugit kisitsisitalinnik) Kalaallit Nunaanni illoqarfiit ilaannut tikinnera, www.telepost.gl-ikkut taamaallaat takuneqarsinnaavoq. Poortukkap tunniunneqarnera aamma Kalaallit Nunaannut ingerlateqqinneqarnera www.bring.com-imi takuneqarsinnaavoq.