Tassaavoq fiberiusumik attavik 4598 kilometerisut takissusilik teknologii nutaaliarujussuaq. Kalaallit Nunaata imaatigut kabelia 2009-mi martsimi atorneqalersoq taama oqaatigineqarpoq.

Imaatigut kabeli Canada-mi Newfoundland-imiit Nuummut ingerlavoq. Tassanngaanniit Qaqortumut ingerlaqqippoq, aammalu Island-imut ingerlaqqilluni. Akissutip anngunnissamut sivisussusaa 23 millisekundiinnaavoq, taannalu Atlantikoq ikaarlugu attaviit sukkanersaasa ilagaat.

Imaatigut kabeli pillugu imarsiortunut paasissutissiineq

Imaatigut kabeli illugiillugu 200 m-imik illersugaavoq. Qallunaat/kalaallillu inatsisaat malillugit illersorneqarfimmi aalisariutinik kalittoqaqqusaanngilaq, kisartoqaqqusaanani, sioqqanik milluaaqqusaanani, aalisartoqaqqusaananilu.

Ajutoornikkulli aalisarnermut atortunik kitsamilluunniit imaatigut kabeli qalusoorsimagussiuk ima iliussaasi:

• Aalisarnermut atortusi kisarsiluunniit nammineerlusi imaatigut kabelimiit peerniarsarinasiuk.
   
• TELE Greenlandip ulloq unnuarlu saaffiginnittarfia attavigisiuk una:
  - imaluunniit (299) 89 16 39
  - taamaanngippat Aasiaat Radio attavigisiuk.
   
• Uku nalunaarutiginissaannut piareersimagit:
  - Angallatip aqqa
  - Angallatip nalunaarniartilluni ilisarnaataa
  - Angallatip naalagaata aqqa
  - Angallatip sumiiffia
  - Immap itissusaa  
   
• Saaffiginnittarfiup ikiorsissavaasi angallatillu atortuisa imaatigut kabeliminngaanniit peernissaanik ilitsersussallusi.
   
• Nunamut pigussi immersugassiaq immersussavarsi. Angallatinut ataatsimoortumik paasissutissiissutini immersugassaq nassaassaavoq.

Imaatigut kabeli pillugu angallatinut ataatsimoortumik paasissutissiissutit 

Ataatsimoortumik paasissutissiissutit aakkit (zip)

Paasissutissiissutit ataatsimoortut imaraat nalunaarutiginninnermut immersugassaq, angallatinut paasissutissat aammalu qallunaatut, kalaallisut aammalu tuluttut upalungaarsimanissamut ilitsersuut.

Paasissutissiissutini ataatsimoortuni aammattaaq imaatigut kabelip aqqutai ikkussinnaasatit aammalu sumiissusersiornernut atortutigut nalinginnaasutigut amerlanertigut takutissinnaasatit, ilaatigut Google Earth-ikkut, takusinnaavatit.