Menu

VHF-imut, mellembølgemut aamma kortbølgemut atortut Kalaallit Nunaata kitaata sineriaaniittut, kujataani Nunap Isuata eqqaaniit avannamut Holmip Qeqertaanut kiisalu Tunumi Ammassaliup eqqaaniittut, Aasiaat radioata ingerlatarivai.

VHF-imut atortut marlunnik marloqiusanik nassitsissuteqarput, ataaseq kanal 16-imut aammalu ataaseq sullissinermut kanalimut. Atortut tamarmik immikkut antenneqarput 25 W-isunik. Piffinni atorneqarnerpaaffiusuni ataasiakkaani, sullissinermi kanalinik immikkut peqartoqarpoq.
VHF-imut atortut Danphone-p sanaartugarai.

Mellembølge-mut atortut ataatsimik marloqiusamik nassitsissuteqarput 2182-ikkut, 2187,5-ikkut aammalu sullissinermi kanalikkut nassitsisinnaasumik. Antennea groundplane-uvoq 30 meteritut portutigisoq, atorsinnaassagunilu 1 kW PEP pisariaqartillugu.
Nassitsissutit Dansk Radio-p sanaartugarai.

Tigooraaviit atortoqarput kanali ataaseq atorlugu tigooraassutinik arlalinnik Rhode & Schwarts-imeersunik, taakkulu ilaatigut 2182kHz telefonimut aamma MF DSC 2187,5kHz -imut nakkutilliisunut naalaarutitut atorneqartarput aammalu atorneqartarlutik sullissinermut tigooraavittut taakkununnga atugassatut frekvensiliunneqarsimasutigut.

Kortbølge-mut atortut Aasianni aamma Qeqertarsuarmi mellembølge-mut atortunut ilanngussatut pigineqarput.
Taakkunani aammattaaq Dansk Radio-minngaaneersut nassitsissutit 1 kW PEP-it namminneq antenneminnut nammineertumik allanngorarsinnaasumik tuner-ilikkanut attavilikkat atorneqarput. Tigooraavittut atorneqarput Rohde & Schwarts-imit kanalit arlallit atorlugit tigooraaviliat. Taakku pisortat nalunaarasuartaateqarnermi attaveqaataannut aammattaaq attaviliisuusunut analogemik digitalimillu aqutsiveqarfinniit aqunneqarput.

Ungasianiit aqunneqarneri periaatsit assigiinngisitaartorpassuit atorlugit ingerlanneqarput, ilaatigut toortagannguit pisariitsut atorneriniit qarasaasiakkut attaveqarnerup modem-ikkoortup atorneranut.

Nakkutilliineq

Aasiaat radioata atortut nakkutigai attataasat ikittaartut højtalerillu atorlugit. Attaviginnittoqarpat attataasaq pisumut tunngassuteqartoq sungaartumik qalipaateqalissaaq, højtalerikkullu nipi anialissaaq pisup suminngaanneerneranik nalunaartoq.

Attaviginnittoqarnera DSC-iikkoorsimappat kalerrisaarisoqalissaaq, attaviginninnerlu DSC-mi utaqqisuniilissaaq. DSC DISTRESS immikkoorluni utaqqisunngussaaq, attaviginninnerillu allat tamarmik tullinnguutsinneqassallutik.

Angallatinit DSC-mut atortuminnik misileraasunit attaviginninnerit sekundtit 30-t iluanni nammineertumik akineqassapput. Tamatumani naatsorsuutigineqarpoq nassitsissutip pineqartup allamut atorneqannginnissaa.