Menu

Ukiup 2020-p tungaanut TELE-POST-ip attaveqaatai suli pitsaanerusoq sullitanut amerlanerusunut nuannaarutaalissaaq, taanna ingerlaavartumik atulersinneqartassaaq.
Imaatigut kabelip aasaanerani aamma ukiakkut 2017-imi tallineqarneratigut maannakkut sakkortusaavitsigut attaveqaatit annertusineranik pitsaanerulersinneranillu periarfissiivoq. 

Imaatigut kabelip tallineqarnera paasissutissanut datanut tamanna motorvejiulissaaq, radiokkut attaveqaatimik pisariillisuusoq nutaanillu periarfissiilluni. Illoqarfinni tamani Upernavimmiit kitaani sineriammi kujaterpiaani najugaqartuusut taamaattumik internetikkut attaveqaammut pitsaanerujussuarmut qilanaaruteqassapput.

Maannakkut atuuttuusoq sakkortusaavitsigut attaveqaatit pingaarnerit 1.500 kilometerit miss. isorartussuseqarpoq sakkortusaaviillu 48-nik tassunga ilaapput. Sakkortusaavitsigut attaveqaatit pingaarnerit ilaneqarnerisigut attaveqaateqarfiit nutaat sisamat immamit 400-900 meterinik qutsitsigisumi sanaartorneqalerput.

TELE-POST-ip 2017-imi suliaa ilaatigut tassaavoq Aasianniit Qasigiannguanut Ilulissanullu sakkortusaavitsigut attaveqaatit sakkortusinera, aamma Aasianniit Ilulissanut sakkortusaavitsigut attaveqaatip pitsaanerulersinnera attaveqaatitut pitsaanerpaasunngorlugu aamma Ilulissaniit Uummannamut sakkortusaavitsigut attaveqaatip annertusineranik. Tamatuma saniatigut Uummannamiit Upernavimmut sakkortusaavitsigut attaveqaateqarfiit ilaniarlugit sulineq aallartereerpoq, tamannalu 2018-imi naammassineqarnissaa naatsorsuutigineqarluni.

2017-miit 2018-ip tungaanut attaveqaatit aamma sakkortusaavitsigut attaveqaatit sakkortusineqassapput, TELE-POST-imilu tamatuma kingornatigut pitsaanerusumik attaveqaatinik neqeroorsinnaalissaagut sullitatsinnullu arlalinnut attaveqaatinik sukkanerusunik.

 

Sakkortusaavik pillugu aammalu Kalaallit Nunaata TELE-mik aaqqissuussaanera ullumikkut piusoq pillugu videoliaq takuuk:

 

Sakkortusaavik pillugu nutaarsiassat kingullerpaat: