Menu

TELE-POST aqqutigalugu Kalaallit Nunaanni mobiltelefoninik atuisunut tamanut sms-imut kiffartuussinernik neqerooruteqarnissamut periarfissaqartinneqarputit. Sms-imut kiffartuussinerit nioqqutaapput, atuisutut sms-imik nassiussinermut akiligassatit.

Sms-imut kiffartuussinernut assersuutissaapput:

  • Toqqaannartumik tv-kkut aallakaatitsinermut atatillugu taasinerit
  • Tunissuteqarfiusumik paasititsiniaanerit.

Aamma sms-imut kiffartuussineq atorsinnaavat:

  • Siaruarterinermut allattuiffittut
  • Imaluunniit unammititsinertut assigisaattulluunniit ilusilerlugu tamanut ammasumik attaveqatigiinnermut

Applikation-inut isissutissat

Sms-imut sullissinermik neqerooruteqassaguit, applikation-inut isissutissamik atuissaatit, taannalu sisamanik kisitsisitaqarpoq.

TELE-POST 12XX-inik, 17XX-inik aamma 19XX-inik tuniniagaqarpoq.

  • 12XX-it imaasunik tuniniaasunut, Danmarkimi sms-imut sullissinernik tuniniagaqartunut atugassiaapput.
  • 17XX-it imaasunik tuniniaasunut, Kalaallit Nunaanni sms-imut sullissinernik tuniniagaqartunut atugassiaapput.
  • 19XX-it Kalaallit Nunaanni aamma Danmarkimi sms-imut sullissinernik tuniniagaqartunut atugassiaapput.

Revenue share

Sms-imut kiffartuussinernik tuniniagaqaruit, sms-inut akiligititaasut nalinginnaasut sinnerlugit akiliisitsisinnaavutit.

Sms-imut kiffartuussinerni, mobiltelefoninik atuisut sms-imut akigititaasut nalinginnaasut saniatigut ilinnut akiliiffigisartagaanni, akit illit imaasunik tuniniaasutut aamma TELE-p akunnissinni avissavasi.

Inatsisit akisussaaffiillu

”Kalaallit Nunaanni atortut angallattakkat imaannut akiliisarnermullu kiffartuussinernut sinaakkutissatut piumasaqaatit”-ni sms-ikkut kiffartuussinernut maleruagassat atuuttut nassuiarneqarput. Sms-ikkut kiffartuussinernut maleruagassat danskit isumaqatigiissusiornermi sinaakkusiussaanni piumasaqaatit assigisorujussuuaat. Imaannik tuniniaasut angisuut arlallit Danmarkimeersuusarnerat tamatumunnga pissutaavoq.

Assersuutigalugu Kalaallit Nunaanni kiffartuussinernut, imaat malillugit akeqartinneqartunut akinut killigititat Danmarkimi killigititanut assingusuupput. Taamannattaaq nalunaarutit aningaasartuutit sinnerlugit akeqartinneqartut aqqutigalugit tuniniaanermut atatillugu atuisorisannut pisussaaffinnut akisussaaffeqarfiusunut atuuppoq.

SMS-ikkut unammititsinissamut akuersissutinut maleruagassat pillugit nassuiaat (PDF)

Kalaallit Nunaanni atortut angallattakkat imaannut akiliisarnermullu kiffartuussinernut sinaakkutissatut piumasaqaatit (PDF)

TELE-p aamma content provider-ip akornanni isumaqatigiissut (DOCX)

Attaviliinissamut immersugassaq (DOCX)

Inunnik ikiuiniarnermi katersinissamut qinnuteqarnermi immersugassaq (DOCX)