Menu

Imaatigut kabelimut Greenland Connect North-imut atatillugu TELE-POST-ip ulloq 11. juli 2016 teknikkimut atortut illutassaannik nutaanik sanaartornissaq suliariumannittussarsiuuppaa. Illutassanik sanaartorneq imaatigut kabelip Sisimiunut 2017-ip ukiaani nunnigunneqarnissaani atorneqartussaanerat qulakkeertussaavaa.

TELE-POST-ip avataaniit ikiorserneqarnermigut paasivaa Sisimiuni illut pioreersut allanngortiterneqarsinnaasut, taamaalillutillu piuinnarsinnaasut, taamaattumik suliariumannittussarsiuussineq aallartinneqaraluartoq taamaatinneqarpoq.

Suliariumannittussarsiuussinermik taamaatitsineq imaatigut kabelip pilersinneqarnissaanut sunniuteqassanngilaq, TELE-POST-immi aggustip 19-iani Sisimiuni illut pioreersut allanngortiterneqarnissaat suliariumannittussarsiuunniarpaa.

Illunik allanngortiterinerup 2016-ip naannginnerani naammassisimanissaa naatsorsuutigineqarpoq.

Suliariumannittussarsiuussinermik taassuminnga taamaatitsineq Maniitsumi imaatigut kabelip stationeqarfissaanik sanaartornissap suliariumannittussarsiuunneqarneranut sunniuteqassanngilaq. Taanna pilersaarutigineqartutut ingerlaannassaaq.