Menu
Maniitsumi imaatigut kabelimut stationeqarfiliornissamut atatillugu suliariumannittussarsiuussineq 
 
TELE-POST-ip Maniitsumi imaatigut kabelimut stationeqarfiliornissap suliariumannittussarsiuunneqarnera tamanut matumuuna saqqummiuppaa. 
 
Suliassaq suliffeqarfinnut Kalaallit Nunaanni nalunaarsorsimasunut atuuttumik GER normulinnut suliariumannittussarsiuunneqarpoq. 
 
Suliassap tamakkerluni suliarinissaani tulliuttut suliarineqartussaapput:
1. Nunalerineq 
2. Betonimik toqqaviliornermut suliassartat 
3. Sanasup suliassai  
4. Innaallagissamut suliassartat 
 
Nunalerinerit toqqaviliornerillu 2016-imi oktoberip qiteqqunnera nallertinnagu naammassineqarsimanissaat naatsorsuutigineqarpoq. 
 
2017-imi marsip qiteqqunnerani sanaartornerup naammassineqarsimanissaa naatsorsuutigineqarpoq.
 
Suliarinninnissamut najoqqutassat pissarsiarinissaat 
Suliarinninnissamut najoqqutassat pingasunngorneq 6. juli 2016-imiit uunga saaffiginninnikkut pissarsiarineqarsinnaapput: zeeb@telepost.gl.
 
Suliarinninnissamut najoqqutassat e-mailikkut taamaallaat nassiunneqarsinnaapput.
 
Suliassamik tunniussinermut tunngaviusussaq:
Suliassamik tunniussinermut tunngaviussaaq “aki appasinnerpaaq”. 
 
Neqerooruteqarnerup ilaanissaa qulakkeerniarlugu, neqerooruteqartup neqeroorumminut ilanngutissavaa akileraartarnermut aqutsiveqarfimmiit uppernarsaat. Tassani uppernarsarneqarsimassaaq neqerooruteqartup akiliisitsiniartarnermut oqartussanut 100.000 kr.-it sinnerlugit akiligassaqannginnera kiisalu aningaaserivimmiit sillimmasiisarfimmiilluunniit uppernarsaat suliassap tunniunneqannginnerani neqerooruteqartumut qularnaveeqqusiisinnaanermut uppernarsaat.
 
Piumasaqaatit atugassarititaasullu 
Isumaqatigiissut AP95-imik tunngaveqarpoq tapiliussat, erseqqissaassutit piumasaqaatillu suliariumannittussarsiuussinermut najoqqutassani allassimasut ilanngullugit.
 
Neqerooruteqarnissamut killigititaq 
neqerooruteqarnissaq killeqarpoq ataasinngornermut 15. august 2016-imut nal. 12:00.
 
Suliariumannittussarsiuussineq 
Suliariumannittussarsiuussisoqassaaq ataasinngornermi 15. august 2016 nal. 14:00. Piffissaq eqqorlugu neqerooruteqarsimasut tamarmik neqeroorutit tiguneqarsimasut ammarneqarnerannut peqataasinnaapput.