Menu
Sisimiuni imaatigut kabelimut stationeqarfiliornissamut atatillugu suliariumannittussarsiuussineq 
TELE-POST-ip Sisimiuni imaatigut kabelimut stationeqarfiliornissap tamanut suliariumannittussarsiuunneqarnera matumuuna nassiuppaa. 
 
Suliassaq suliffeqarfinnut Kalaallit Nunaanni nalunaarsorsimasunut atuuttumik GER normulinnut suliariumannittussarsiuunneqarpoq. 
 
Suliassap tamakkerluni suliarinissaani tulliuttut suliarineqartussaapput:
1. Nunap nunallu ilusaanik suliassartat 
2. Betonimik suliassartat 
3. Sanasup suliassai  
4. Innaallagissamut suliassartat 
 
Nunap nunallu ilusaanik suliassartanik suliarinninnerit 2016-imi oktoberip qiteqqunnera nallertinnagu naammassineqarsimanissaat naatsorsuutigineqarpoq. 
 
2017-imi apriilip qiteqqunnerani sanaartornerup naammassineqarsimanissaa naatsorsuutigineqarpoq.
 
Suliarinninnissamut najoqqutassat pissarsiarinissaat 
Suliarinninnissamut najoqqutassat pingasunngorneq 6. juli 2016-imiit uunga saaffiginninnikkut pissarsiarineqarsinnaapput: zeeb@telepost.gl.
 
Suliarinninnissamut najoqqutassat qarasaasiakkut taamaallaat pissarsiarineqarsinnaapput.
 
Suliassamik tunniussinermut tunngaviusussaq:
Suliassamik tunniussinermut tunngaviussaaq “aki appasinnerpaaq”. 
 
Neqerooruteqarnerup ilaanissaa qulakkeerniarlugu, neqerooruteqartup neqeroorumminut ilanngutissavaa akileraartarnermut aqutsiveqarfimmiit uppernarsaat. Tassani uppernarsarneqarsimassaaq neqerooruteqartup akiliisitsiniartarnermut oqartussanut 100.000 kr.-it sinnerlugit akiligassaqannginnera kiisalu aningaaserivimmiit sillimmasiisarfimmiilluunniit uppernarsaat suliassap tunniunneqannginnerani neqerooruteqartumut qularnaveeqqusiisinnaanermut uppernarsaat.
 
Piumasaqaatit atugassarititaasullu 
Isumaqatigiissut tapiliussat, erseqqissaassutit piumasaqaatillu suliariumannittussarsiuussinermut najoqqutassani allassimasut ilanngullugit AP95-imik tunngaveqarpoq.
 
Neqerooruteqarnissamut killigititaq 
neqerooruteqarnissaq killeqarpoq ataasinngornermut 15. august 2016-imut nal. 12:00.
 
Suliariumannittussarsiuussineq 
Suliariumannittussarsiuussisoqassaaq ataasinngornermi 15. august 2016 nal. 14:00. Piffissaq eqqorlugu neqerooruteqarsimasut tamarmik neqeroorutit tiguneqarsimasut ammarneqarnerannut peqataasinnaapput.