Menu

Nuup Aasiaallu akornanni imaatigut kabeliliinissami qillerinernut nunnigussinernullu suliariumannittussarsiorneq

”Qillerinernut nunnigussinernullu” TELE-POST matumuuna tamanut ammasumik suliarinnittussarsiorpoq.
Suliassaq suliffeqarfinnut Kalaallit Nunaanni nalunaarsorsimasunut neqeroorutigineqarpoq.

Suliassami pineqarput imaani kabelip nunamut qaqilernerani aqqutissaanik qillerinerit kiisalu imaani kabelip nunamut amuneqarnerani ikiuunnissaq sumiiffinni tallimani ukunani Maniitsoq, Sisimiut, Saqqarliit Nunaata Kujataa, Saqqarliit Nunaata Avannaa kiisalu Aasiaat Nunaata kujataani.
Suliassap suliarineqarnissaa ilimagineqarpoq 2016-imi maajimiit oktobarip tungaanut ingerlanneqassasoq.

Neqerooruteqarnissamut najoqqutassanik pissarsiniarneq 
Neqerooruteqarnissamut najoqqutassat pissarsiariniarneqarsinnaalissapput tallimanngorneq 21. august 2015 sha@telepost.gl imaluunniit zeeb@telepost.gl attavigalugu.
Neqerooruteqarnissamut najoqqutassat emailikkuinnaq nassiunneqarsinnaapput.

Suliarinnittussamik toqqaanissamut piumasarineqartussat:
Suliassaq neqeroorummut Tele-Postip naleqartitaanut pingaartinaanullu pitsaanerpaamik inissisimasumut tunniunneqassaaq akikinnerpaajunngikkaluarpalluunniit.

Piumasaqaatit malitassallu
Isumaqatigiissummi AP95 tunngavigineqassaaq neqerooruteqarnissamut atortuni ilanngussat, erseqqissaatit piumasaqaatillu allassimasut ilanngullugit.

Neqerooruteqarnissamut killissarititaq
Kitaani nalunaaqutaq malillugu pingasunngorneq 7. oktober 2015 nal. 12:00 neqeroorut tunniunneqareersimassaaq.

Neqeroorutit ammarneqarnerat
Pingasunngorneq 7. oktober 2015 kitaani nalunaaqutaq malillugu nal. 14:00 suliariumannittussarsiuussinermi neqeroorutinik ammaaneq ingerlanneqassaaq. Piffissaq eqqorlugu neqeroorutinik tunniussisimasut neqeroorutit ammarneqarnerini najuussinnaapput.