Menu
TELE-POST A/S Nuummi qullersaqarfiup nutaamik isaarialiornissaanik suliariumannittussarsiorpoq. Suliassat tassaapput majuartarfeqarfiup isaariallu aaqqissuunneqarnissaat kiisalu TELE-POST-ip qullersaqarfiata isaariaata pingaarnerup nutaamik taarsernissaa.
 
1.     Sanatitsisussaq sinnerlugu matumuuna sanaartugassat qulaani taaneqartut tamakkerlutik suliarineqarnissaannut tamanut suliariumannittussarsiorneqarput piffissamut akimullu aalajangersimasumut imatut suliassartaqarlutik:
 
·         Nunamik, betonimik aamma saviminernik suliassartat.
 
·         Qarmaanermik suliassat.
 
·         Sanasup aamma illuliortup suliassai, qalissialiortup natermillu suliallit suliassaat.
 
·         Qalipaasup suliassai.
 
2.     Suliarinninnissamut najoqqutassat tassaapput:
 
§  Suliarinninnissamut allagaqaat manna [US] 08.04.2015-imeersoq.
 
§  Piumasaqaatit immikkut ittut [SB] ilanngussamik ilallit 08.04.2015-imik ullulerneqarsimasut.
 
§  Suliassamik allaaserisaq immikkut ittoq [SA] 08.04.2015-imeersoq titartagartaanik ilanngussivigisaq.
 
§  Agguataarnerinut allattorsimaffik ilanngullugu neqerooruteqarnermut najoqqutassat.
 
08.04.2015-imik ullulerneqarsimasut tamarmik allakkiamut uunga ilanngunneqarput. Pappialat neqerooruteqarnissamut atortussat Qarsoq Tegnestue ApS-imut – qarsoq@qarsoq.gl –ikkut allalluni piumaneqassapput. Neqerooruteqartup tamatuma kingorna neqerooruteqarnermut pappialat atortussat taamaallaat pdf-inngorlugit nassiunneqartussat tigussavai.
 
3.     Nalornissuteqaraanni allakkatigut Qarsoq Tegnestue ApS, Postboks 50, 3900 Nuuk, fax 32 00 44 imaluunniit mail qarsoq@qarsoqtegnestue.gl-imut saaffiginnittoqassaaq aammalu nassiunneqarsimassapput Qarsoq Teg¬nestue ApS-imit kingusinnerpaamik tallimanngorneq 20. april 2015 tiguneqarsimassallutik. Nalornissutigineqartunut akissutit aamma suliassamut tapiliussaasinnaasut neqerooruteqartunut nassiunneqarsimassapput kingusinnerpaamik tallimanngorneq 22. april 2015. Nalornissutaasunut akissutit pappialat suliariumannittussarsiornermut atortussat ilaattut isigineqarput.
 
4.     Neqerooruteqarnissamut najoqqutassat kiisalu agguataarnerinut allattorsimaffik tunniunneqartut neqeroornermut allattuiffiussapput, allakkallu puuanut matoqqasumut ikillugit tunniunneqassapput ima ilisarnaaserlugit:
 
· "Offentlig licitation, Renovering og opførelse af ny hovedindgang TELE-POST, Nuuk”.
 
· Suliariumannittussatut neqeroornermut ulloq piffissarlu.
 
· Neqeroortup aqqa.
 
Neqeroorut suliariumannittussarsiortumut Neqeroorutip tunniunneqarfissaa:
Ingerlatinneqassaaq: 
TELE-POST A/S. Qarsoq Tegnestue ApS
 
Postboks 1002 Qullilerfik 2, 3. etage
 
3900 Nuuk Postboks 50
 
3900 Nuuk
 
Qarasaasiakkut allalluni imaluunniit telefaxikkut neqerooruteqartoqarsinnaanngilaq.
 
Neqerooruteqartitsisoqassaaq tallimanngornermi 24. april 2015, nal. 11.00 Qarsoq Tegnestue ApS-imi.
 
Suliariumannittussarsiortoqassaaq ”Sanaartornermi neqerooruteqartitsisarneq pillugu Inatsisartut inatsisaat nr. 11, 2. december 2009-meersoq” kingusinnerusukkut allannguutilik naapertorlugu.
 
Neqerooruteqarneq ”aki appasinnerpaaq” malillugu tunniunneqassaaq.
 
Suliap aallartinneqarnissaa naatsorsuutigineqarpoq pissasoq 04.05.2015, naammassisimanissaalu naatsorsuutigineqarluni 31.07.2015.
 
Suliarinnittussatut neqeruulinnginnermi suliassat suliassaqarfimmi misissorneqassapput ulloq 20.04.2015 nal. 14.00.
 
Neqeroornermut allattuiffimmi ”oqaaseqaatit”-nut allattuiffissami nangaassutigineqarsinnaasut allattorneqassapput. Nangaassutit neqerooruteqarnermi allamut allassimasat, qanorluunniit nangaassut annikitsigippat annertutigippalluunniit, atuutissanngillat.
 
”Suliarinninnissamik pissarsisumit allannguutissatut siunnersuutit kisimik naatsorsuutigineqassapput.”
 
Neqerooruteqartup neqeroorutimi ilaanissaa qulakkeerniarlugu uppernarsaatit makku ilanngutissavai:
 
1. Akileraartarnermut aqutsiveqarfimmiit neqerooruteqartoq pisortanut 100.000 kr.-it sinnerlugit akiligassanik akilerneqanngitsunik akiitsoqannginneranut uppernarsaat, soorlu ilanngussami 1-imi takuneqarsinnaasoq.
 
2. Aningaaserivimmiit imaluunniit sillimmasiisarfimmiit sillimmasiisinnaanermik uppernarsaat, soorlu ilanngussami 2-mi takuneqarsinnaasoq.
 
Neqerooruteqarnermut akuersinissamut periarfissaq ullunik suliffiusunik 30-nik ullormiit neqerooruteqarfimmiit, AP95-imit allaanerussutitut, sivisussuseqarpoq.
 
Neqerooruteqartumik nalunaarsuineq
Neqerooruteqartoq Qarsoq Tegnestue ApS-imut nalunaarsortissaaq, taamaalilluni allannguuteqartoqarsimassappat pappialanik neqeroorsimasumut nassiussivissaqartoqarniassammat. Nalunaarsorneqarnissamik qinnutiginninneq qarsoq@qarsoq.gl-imut e-mailikkut nassiunneqassaaq.
 
Inussiarnersumik inuulluaqqusillunga 
 
Steen Haning
 
 
 
Assileqqinnera uunga nassiunneqarpoq: Sanaartortitsisumut, TELE-POST A/S, Postboks 1002, 3900 Nuuk.