Menu

Nuummi B-3436-p saqqaanik pitsanngorsaaneq

Suliarinnitsitsisuusoq, Tele Greenland A/S, sinnerlugu matumuuna suliassaq qulaani allassimasoq tamanut suliariumannittussarsiuunneqarpoq.

Suliassami pineqarput illup saqqaanik pitsanngorsaaneq igalaanillu taarsersuineq.

Suliassaq tamakkerluni suliarinissaanut isumaqatigiittoqassaaq.

Suliassaq tunniunneqassaaq aalajangiinermi tunngaviusoq »aki appasinnerpaaq« tunngavigalugu.

Suliassaq aallartinneqartussatut naatsorsuutigineqarpoq ulloq 04.08.2014, naatsorsuutineqarporlu naammassisimassasoq ulloq 30.09.2014.

Suliarinninnissamut najoqqutassat mailikkut Lasse Clausen-imut – lac@masanti.gl. – piniarneqarsinnaapput. Neqerooruteqartoq tamatuma kingorna najoqqutassanik pissarsissaaq.

Suliariumannittussarsiuussineq suliarinninnissamut najoqqutassat naapertorlugit juulip aallartinnerani ingerlanneqassaaq.

Suliariumannittussarsiuussisoqannginnerani suliassanik misissuisoqassaaq suliassaqarfimmi ulloq 25.06.2014 nal. 14.00.