Menu
Sullitanik pitsaasumik sullissisinnaajumalluta sullitagut paasissutissaataannik piumaffigisarpagut. Inuit paasissutissaataannik toqqorsinermi, suliarinninnermi qulakkeerinninnermilu TELE-POST-ip IT-mik isumannaallisaanermut politikkia tunngavigineqarpoq. 
Inuit paasissutissaataannik suliaqarnitsinnut tunngatillugu malittarisassaatigut, kiisalu internet aqqutigalugu sullitatta paasissutissat tunniussaat qanoq suliarisarnerigut, matuma ataani atuarsinnaavatit.
 

1. TELE-POST-ip inuit paasissutissaataannik suliarinnittarnera 

a. Inuit paasissutissaataannik katersineq atuinerlu 
Atuisuuffeqalernermut atasumik pisariaqarmat sullitat paasissutissaataat TELE-POST-ip katersortarpai. Attaviginninnissamut paasissutissaasinnaapput, soorlu ateq, najugaq, CPR-normu aamma e-mailadressi. Paasissutissat tunniunneqartut allaffissornermi, siunnersuinermi nittarsaassinermilu atorneqartussatut TELE-POST-imi nalunaarsorneqartarput.
E-mailadressit taamaallaat nittarsaassissutinik nassiussinernut, tamatumunnga akuersisimaguit, atortarpagut. TELE-POST qaqugukkulluunniit nalunaarfigisinnaajuarpat nittarsaassissutinik e-mailikkut TELE-POST-imiit pisartagaqarunnaarusukkuit. Taamaaliorsinnaavutit ugguuna, imaluunniit 80 80 80-imut sianerfigaluta.
E-mailinik ass. mianernarsinnaasunik imaluunniit CPR normunnik imalinnik, sulisut mailinik tigusisut paasissutissat taamatut ittut isertuussaanissaat eqqumaffigissavaat. 
Assersuutigalugu TELE-POST Centrale Personregisterimiit (ilaatigut najukkamut paasissutissanik nutarterinermut atatillugu) pisortallu ingerlataanniit paasiniaaffiusinnaasuniit nalunaarsorfinniillu allaniit paasissutissanik aammattaaq piniartarpoq.
Sivisunerusumik uninngatinnissaannut immikkut pissutissaqarsimanngikkutta (ass. akiligassaqarsimaneq pissutigalugu) sullitamik sullissiunnaarnerup kingorna sullitamut paasissutissaasut sivisunerpaamik ukiuni tallimani toqqorsimatittarpagut. 
 
b. Inuit paasissutissaataannik allamut tunniussineq 
Tunngaviusumik inuttut paasissutissaatitit allamut tunniunneq ajorpagut, nipangiussisussaatitaanerput pissutigalugu aammalu paasissutissaatitit isertuussarigatsigit.
Taamaakkaluartoq inatsit malillugu pisortani oqartussaasunut paasissutissanik tunniussisinnaavugut. 
TELE-POST-imut pisussaaffitit unioqqutissimagukkit, sullissisup allap aalajangersimasumik apeqquteqarnerata kingorna TELE-POST-imut akiligassaqarnersutit TELE-POST-ip paasissutissiissutigisinnaavaa.  
 

2. Inuit paasissutissaataannik internetimeersunik suliarinninneq

a. TELE-POST-ip nittartagaani nalunaarsuinerit 
TELE-POST-ip inuit paasissutissaataat nittartakkatsinneersut nalunaarsortarpai sullitat allallu alakkarterisut pitsaanerpaamik sullikkumallugit. Internet aqqutigalugu sullinneqarnissamik inniminniisimaguit, paasissutissat illit nammineq tunniussatit nalunaarsortarpagut, soorlu paasissutissat atermut, najukkamut, e-mailimut aamma CPR-normumut tunngasut, sullinneqarnermullu tunngatillugu pisariaqarneratut sivisutigisumik paarisarlugit. 
Nittartakkatsinni ”cookies”-it atugaraagut, paasissutissalli taakku illit inuttut paasissutissaatinnut atalerneq ajorput. 
 
b. TELE-POST-ip nittartagaani paasissutissat isumannaatsuunerat 
Inuit paasissutissaataat TELE-POST-ip nittartagaatigut tunniunneqartut sullitap qarasaasiaaniit TELE-POST-imut nassiunneqarneranni illersorneqartarput paasiuminaallisaanermik. Nassiussineq naammassigaangat inuup paasissutissaatai susassaqanngitsunit atuarneqarsinnaajunnaarlugit inissinneqartarput.
TELE-POST-imut e-mailikkut inuttut paasissutissaatinnik nassiussiguit, mailit paasiuminaallisagaanngitsut isertuussaanissaat qulakkeersinnaanngikkipput eqqumaffigisariaqarpat.
 

3. TELE-POST-ip paasissutissanik suliaqartarneranik paasisimasaqarneq

Illit paasissutissaatinnik nalunaarsuisarnerput kiisalu kukkusumik nalunaarsugaasinnaasut aaqqinneqarnissaat pillugit TELE-POST paasiniaaffigisinnaavat. Paasissutissat pineqartut aatsaat tunniutissavagut uppernarsineqarpat saaffiginnissutip ilinneersuunera. TELE-POST paasissutissat kissaatigineqartut tunniunnissaannut akiliummik piumasaqarsinnaavoq. Paasissutissaatinnik  atuisinnaanerput eqqarsaatigalugu sunik akuersisimanersutit paasiniaaniaruit, tamanna akiliuteqaqqaarnak pisinnaajuaannarpat.
 
Uunga saaffiginnissaatit:
TELE-POST-ip Atuisunik Sullissivia telefon 80 80 80, allakkatigulluunniit: Postboks 1002, 3900 Nuuk.
Aamma nittartakkakkut ugguuna allaffigisinnaavatsigut. Paasissutissanik isertuussanik TELE-POST-ip Facebookiatigut attaveqatigiittarfitsigulluunniit allatigut nassiussivigissanngikkitsigut inassutigissavarput.