Menu

TELE-POST-imut susassaqartuni atuisugut, piginneqataasut, sulisut, pisiortorfigut aamma suleqatigut, naalakkersuisut, politikerit, sulisut peqatigiiffii, soqutigisaqaqatigiit, tusagassiutit innuttaasullu pingaarnersaapput.

Susassaqartunut pitsaasumik atassuteqarnertigut ammasumillu oqallinnissamut akulerussinertigut, siunissaq ungasinnerusoq eqqarsaatigalugu, pitsaanerusunik angusaqarnissatsinnut periarfissaqalissaagut.

Attaveqatigiinnermut pilersaarusiaq malillugu susassaqartunut attaveqateqarnitsinnut makku tunngavigissavagut:

  • Ammallunilu peqqusersuinneq
  • Piffissaagallartillutugu sulianik tunniussineq
  • Eqqorluaaneq paasiuminarnerlu
  • Susassaqartut peqataanerannut angorusutaannullu ataqqinninneq
  • Tikikkuminarneq

Susassaqatigiikkuutaartunut malittarisassagut ukuupput:

 

Sullitat unammillertivullu

Sullitagut, inuit ataasiakkaat suliffeqarfiillu, tunisassianik atuisuuffinnillu sullitatta pisariaqartitaannut tulluarsakkanik neqeroorfigaagut.

Atukkanut naleqquttumik unammillerpugut, inatsisillu maleruagassallu, tuniniaavigisatsinni malinneqartut, ataqqillutigit ingerlatsilluta.

Ilaatigooriarluta unammillertitsinnik pingaarutilimmik sullitaqartarnerput eqqumaffigaarput, taamaattoqarneranillu atornerluinnginnissarput mianeraarput.

Sullitatsinnut nukittuumik pitsaasumillu ataqatigiinnissarput sulissutigaarput.

Tunisassiatta sullissinittalu sullitanut inuiaqatigiinnullu pingaaruteqassusaat ilisimaaraarput, ilaatigut sillimaniarnermi atortut eqqarsaatigalugit, taamaammat teknikkitigut ajortoqartillugu, qamittoqartillugu ili.il. piaartumik eqqortumillu paasissutissiinissarput pingaartipparput.

 

Pisiortorfiit suleqatigisallu

Pisiortorfitsinnut allanullu suliffeqarfinnut suleqatigisatsinnut pimoorussimumik ataavartumillu ataqatigiinnissarput, pissarsiaqaataasumillu paaseqatigiilluarluni suleqatigiinnissaq, anguniagaraarput.

UN Global Compactimut ilanngussimavugut, tassanngaanniillu pisiortornermi politikki, inatsisitigut piumasaqaatitaqartoq nunallu tamat assigalugit pisumik, ileqqorissaarnikkullu, avatagiisitigut inuiaqatigiillu tungaatigut isumaqatigiissutigineqarsimasut malinneqarnissaat piumasaqaatigaagut.

 

Piginnittut

Namminersorlutik Oqartussat, taamaalillunilu kalaallit inuiaqatigiiannit, pigineqarpugut.

Pigineqarnitta immikkut ittumik ammasuunissamut, peqqusuinnissamut piginnittumullu naammattumik paasissutissiinissamut pisussaatitaatitsinera ilisimaaraarput.

Piginnittuusup suliffeqarfimmik aqutsinermi malittarisassarititai malippagut, tassanilu ilivitsumik ilaatigullu suliffeqarfiit Namminersorlutik Oqartussanit amminersortunit pigineqartut pillugit pitsaasumik aqutsinissamut siunnersuutit pineqarput. Taakkunanilu innersuutaasuni malinngisaqarutta sooq taamaattoqarneranik nassuiaateqassaagut.

Suliffeqarfiup inissisimanera pillugu tusagassiutitigut inuiaqatigiinnilu qaqilertuisoqartarnissaa ilisimaaraarput. ”Tupaallaateqannginnissaq” pillugu malittarisaqarpugut, suliffeqarfiullu tusagassiutitigut eqqartungaalinnginnerani sapinngisamik pigiginnittoq ilisimatinneqareertarpoq.

 

Oqartussaasut qinikkallu

Pigineqarnitta, suliassattalu annertunerpaartaasa akuersissuteqaqqaarluni pisinnaanerisa, kingunerisaanik oqartussaasunut qinikkanullu qanippugut. Ilanngullugulu Kalaallit Nunaanni atortorissaarutit tungaatigut suliffeqarfinni annerpaartaalluta.

Eqqaaneqareersut pissutaallutik akisussaaffeqarnerput ilisimaaraarput, naalakkersuisunillu politikerinillu qanittumik, ammasumik toqqaannartumillu oqalleqateqarnissarput anguniarparput.

Oqartussaasut qinikkallu ataqqillugit inatsisiliornertigut naatsorsuinermilu sulianut, misissueqqissaanernik, nalilersuinernik piviusunillu peqataalluarluta piumassuseqarluarlutalu pilersuivugut.

Oqartussaasut qinikkallu suliffeqarfitsinnut inatsisitigut malitassatigullu akisussaaffigalugu sinaakkutissalersuisuunerat ataqqivarput.

Suliffeqarfiup pigisaasa ilaannik namminersortunngorsaanissap kissaatigineqarnera ataqqivarput. Namminersortunngorsaanermi ammasumik peqqusuitsumillu peqataalluarpugut, ilanngullugulu namminersortunngorsaanermi, inuiaqatigiinnut suliffeqarfimmullu, aporfiusinnaasut pillugit Oqartussaat qinikkallu ammasumik, toqqaannartumik eqqortumillu paasissutissiinissarput qulakkeerusullugu.

 

Sulisut

Sulisut susassaqartuni immikkut ittumik pingaaruteqarput, sulisummi tunniusimanerat suliffeqarfiup ingerlalluarneranut tunngaviuvoq.

Sulisunut ataqateqarnitsinnut tunngavigisatsinnik immikkut ittumik sulisoqarnermut politikkeqarpugut.

Siulersuisut sulisunut sulisullu peqatigiiffiannut ataavartumik oqalleqateqarnissartik pisussaaffigaat.

Sulisut suliffeqarfiup susassaqartuinik oqalleqateqartut, susassaqartunut politikkimi allallu malittarisassat, ilaatigut sulisunut sullissisunut politikkianni allassimasut, malillugit pissapput.

 

Tusagassiutit, inuiaqatigiit, susassaqartullu peqatigiiffii

Tusagassiutit tusagassiortullu, pingaarutilimmik inuiaqatigiinni suliffeqarfiup sullitai ilanngullugit oqallinnermi peqataagamik, susassaqartuni pingaaruteqartuupput.

Tusagassiutinut tusagassiortunullu ilumoorsaartumik ataavartumillu pitsaasumik attaveqateqarnissarput kissaatigaarput.

Tusagassiutit inuiaqatigiinni apeqqusersuisutut nakkutiginnittuunerat ataqqivarput, sulinerminnilu atugarisaat ilisimaaralugit.

Tusagassiutinut attaveqarnitsinni tunngaviusumik ammasuuneq, peqqusuinneq, eqqortumik pineq, tikikkuminarnissarlu atorumavagut.

Pisortaaneq sulisullu attuumassuteqartut tusagassiutinut pissarsiassaanissaat anguniangaraarput.

Attuumassutilimmik susassaqartut peqatigiiffiannut ataavartumik attaveqaqatigiittoqarnissaa attapparput. Tassanilu eqqarsaatersuutit, isiginneriaatsit, siunnersuutit suliffeqarfimmilu pilersaarutit aalajangingassallu pillugit paasissutissat nassuiarneqarnissaat pineqarpoq.

 

Nuuk, aprilip 7-aat, 2015