Menu

TELE-POST-ip suliniuteqarfiit sisamat tulliuttut iluanni pilersaarutit tapersiiffigisarpai:

1. Paasissutissiinermut attaveqaqatigiinnermullu teknologiimik siuarsaaneq

Piffissani killilikkani TELE-POST misiliutigalugu sulianut paasissutissiinermut aammalu attaveqaqatigiinnermut teknologiimik ineriartortitsisunut tapiisinnaavoq. Malugiuk, suliat ingerlaqqinnissaannut kingornalu ingerlannissaannut TELE-POST tapersiissuteqarneq ajorpoq.  

2. Timersorneq

Nunatsinni pisunut, soorlu Arctic Circle Race-mut aammalu Arctic Team Challenge-mut, TELE-POST ukiut tamaasa isumannaallisaanermut attaveqaateqartitsisuusarpoq.

Tamatuma saniatigut Kalaallit Nunaanni timersorneq Elite Sport Greenlandimik aalajangersimasumik isumaqatigiissuteqarnermigut TELE-POST-ip tapiissuteqarfigisarpaa. Taamaammat TELE-POST-ip timersornermut tapiissutaanik ilangeerusukkuit, attavigisassat tassaavoq Elite Sport Greenland.

Elite Sport Greenland-ip nittartagaraa

3. Piorsarsimassuseq

Kalaallit Nunaanni piorsarsimassutsikkut ineriartorneq TELE-POST-ip tapersersugaraa Katuap aalajangersimasumik isumaqatigiissusiorfigineratigut. Katuaq tassaavoq Kalaallit Nunaata piorsarsimassutsikkut illorsua Nuummiittoq, aamma illoqarfinnut allanut isiginnaartitsiartornernik nipilersoriarnernillu aaqqissuussisartoq.

Kalaallit Nunaanni piorsarsimassutsimut Katuap suliniutai uani atuarsinnaavatit

4. Suliniutit susassareqatigiinnermut tunngasut 

TELE-POST-ip ukiut tamaasa suliniaqatigiiffiit NGO-t, susassareqatigiinnermut tunngasunik suliniutaannut aningaasaliisarpoq.