Menu

Sanatitsisussaq, Tele Greenland A/S, sinnerlugu matumuuna sanaartugassaq qulaani taaneqartoq tamanut suliariumannittussarsiuunneqarpoq.

Suliarineqartussaapput allaffinnik ingitseralunilu nutaanik sananeq.

Suliassaq ataatsimut suliassatut suliariumannittussarsiuunneqarpoq.

Suliassaq suliakkiutigineqassaaq una malillugu: Neqeroorut appasinnerpaaq suliassatullu allattorsimasuni piumasaqaatinik naammassinnittoq toqqarneqassaaq.

Toqqaanissami malinneqartussat:

Neqerooruteqartut akornanni toqqagassanut ilaaniaruni, neqerooruteqartup uku neqeroorumminut ilanngussimassavai:

1) Suliffeqarfik neqerooruteqartoq 100.000 kr.-it sinnerlugit pisortanut akiligassaqannginnera pillugu akileraartarnermut oqartussaasunit uppernarsaat. Uppernarsaat suliuariumannittussarsiuussineq qaammammik ataatsimik sioqqullugu siusinnerpaamik atsiorneqarsimassaaq.

2) Aningaaseriviup imaluunniit sillimmasiisarfiup qularnaveeqqusiisinnaaneq pillugu uppernarsaataa. 

Suliap 2016-imi juulip aallaqqaataani aallartinneqarnissaa 2016-imilu aggustip 31-ani naammassineqarsimanissaa naatsorsuutigineqarpoq.

Pappialat neqerooruteqarnissamut atortussat mailikkut Hans Jørgen Jensenimut piniarneqassapput uunga allalluni: hjj@masanti.gl. Tamatuma kingorna neqerooruteqarniartup atortussat tigussavai.

Neqerooruteqarnissamut allakkiaq naapertorlugu suliariumannittussarsiuussineq ingerlanneqassaaq juunip qiteqqunnerani.

Suliariumannittussarsiuussisoqannginnerani sanaartorfiusussami suliassanik misissuisoqassaaq ulloq 3. juni 2016 nal. 14.00.