Menu

Kristian Reinert Davidsen, TELE-POSTimi pisortaanerugallartoq

 

TELE-POST-ip pitsaanerusunik attaveqaateqarnissamut sulliniutitut pilersaarutaa ukiut sisamat qaangerlugit ingerlassaaq 2017-2020-mut. Pitsannguutissanut apeqqutaassaaq imaatigut kabelip tallineqarnissaa aamma sakkortusaavitsigut attaveqaatit ilaneqarnissaat teknologiillu tamatumunnga atuutsinneqartup pitsaanerulersinneqarnissaa. Taamaattumik pitsaanerulersitat sullitatsinnut nunami tamarmi assigiinngitsuni ingerlaavartumik atuutsilissavavut. 

Anguniagaasoq tassaavoq nunami attaveqarnermut attaveqaataasut arlalinnik immikkuutaarlugit annertuumik pitsanngorsarnissaat, taamatut innuttaasut 92 %-ii 2020-mi sukkasuumik attaveqalersissimassallugit.

Maannakkuugallartoq nuna immikkoortunut pingasunut assigiinngitsunik attaveqaatitigut teknologiinut tamarmillu immikkut atortunut assigiinngitsunut immikkoortitaarpoq. Anguniagaasoq tassa sullitatta ukiut tulliuttut sisamat ingerlaneranni nunami assigiinngitsuni arlalinni amerlasuuni TELE-POST-ip nioqqutaataannik ajornannginnerusumik aamma pitsaanerusumik iluaqutissarsisinnissaat.

Aasiaat tungaannut imaatigut kabeli suliarineqartussallu allat kingunerissavaat, illoqarfiit Nanortalimmiit Uummannamut tamarmik decemberimiit Nuummi Qaqortumilu internetip sukkassusaasa sukkaqataannik peqalernissaat.

Nioqqutaatigut ajornannginnerulersinniarpavut, annertunerusumik nammineq siumut akiliisarnikkut pisartagaqartitsilerluta, mobilillit sullitatta amerlasoorpassuit maannakkut atorlualeriigaat.

TELE-POSTs strategi 2017-2020 atuaruk (qupp. 11-it assit ilanngullugit)

 

TELE-POSt-ip periusissiaa pillugu nutaarsiassat kingullerpaat: