Menu

TELE-POST nutaami voicemailimut atortoqalerpoq. Tassa taamaattumik sullitagut sianertunut ilassinnissutissaminnik nutaanik immiussisariaqassapput imaluunniit tamanut atuuttoq ilassinninneq atorsinnaavaat.

Voicemail nutaaq ulloq 14. februar 2018 atulerpoq. 

 

Quppernermi uani apeqqutigineqarnerpaasartut akissutillu allattorpagut.

• Voicemail suua?

Voicemail aamma telefonikkut akisartumik taaguuteqarpoq. Atortuuvoq ilinnut sianertunik akisisinnaanngiffinni akisartoq. Voicemailivit ilinnut sianertup nalunaarutiginiagaa immiuttarpaa, illillu kingusinnerusukkut taanna tusarnaarsinnaavat voicemailinnut sianerlutit.

 

• Voicemailimut atortoq nutaaq qanoq iliorlunga sianerfigisinnaavara?

Voicemailimut atortup nutaap atortup nutaanngitsup normua sianerfigineqarsinnaasoq atorpaa, tassa taamaalilluni 505050-imut suli sianertoqarsinnaavoq nutaamut nuunnerup kingorna nalunaarutit tusarniaraanni.

 

• Voicemailimut atortoq nutaaq atorniaraanni ingerlatitseqqittarnerit allanngortinneqassappat?

Naamik, ingerlatitseqqittarnerit tamarmik allanngunngilat, sianertullu akineqanngitsut nutaap atulernerata kingorna atortumut nutaamut pisassapput.

                            

• Nutaamut nuunnerup kingorna nalunaarutit nutaanngitsut suli iserfigisinnaavakka?

Piffissami sapaatit akunnerinik marlunnik sivisussusilimmi atortumut nutaanngitsumut 50 50 60-imut sianerluni nalunaarutisiat nutaanngitsut tusarneqarsinnaapput, piffissaq taanna qaangiuppat nalunaarutit tamarmik nutaanngilisutut isigineqassapput atortorlu nutaanngitsoq matuneqassaaq.

 

• Nalunaarutikka atortumut nutaamut nuunneqassappat?

Naamik, nalunaarutit atortumut nutaamut nuunnissaat ajoraluartumik periarfissaqanngilaq, taamaattumik atortumut sianertariaqarpoq ilassinnissutinik nutaanik immiussiniaraanni.

 

• Atortumi nutaami isertaatiga suli atorsinnaavara?

Naamik, atuisut tamarmik isissutissaagallartoq 1234 pissarsiarissavaat, innersuussutigine-qarporlu isissutissaq taanna imminut naleqquttunngorlugu allanngortinneqassasoq.

 

• Voicemailimut atortoq nutaaq atortumit nutaanngitsumit assigiinngissuteqarpa?

Aap, atortumut nutaanngitsumut naleqqiulluni toqqagassat allanngortinneqarput, ujaasisinnaanerli suliaqarnerlu ajornanngitsunnguupput toqqarneqarsinnaasut nutaat taakku atorlugit.

 

• Atortumi nutaanngitsumi oqaatsit toqqarsimasakka pigiinnassavakka?

Aap, atortumi nutaami atuisut tamarmik attavilerneqassapput oqaatsit siornatigut toqqarsimasatik pigiinnarlugit.

 

​- Akeqarpa?

​Aap, naliginnaasumik sianernermik akeqarpoq

 

Voicemaileqanngilanga, kisianni pisaarusuppunga

Voicemailitaarniaruit Atuisunik sullissivimmut 808080-imut sianiinnassaatit.